NAV

Nav: 52 brukarar har blitt svindla for 1,3 millionar kroner

Førre veke blei ein mann i 20-åra sikta for grovt bedrageri etter å ha svindla til seg Nav-ytingar. I løpet av helga har Nav fått oversikt over enda fleire som er råka av svindelen, seier Marianne Fålun, økonomi og styringsdirektør i Nav.

1. Nav: 52 brukarar har blitt svindla for 1,3 millionar kroner

Førre veke blei ein mann i 20-åra sikta for grovt bedrageri etter å ha svindla til seg Nav-ytingar.

I løpet av helga har Nav fått oversikt over enda fleire som er råka av svindelen, seier Marianne Fålun, økonomi og styringsdirektør i Nav.

– Så langt har vi identifisert 52 brukarar som har blitt svindla for 1,3 millionar kroner.

Dei seier dei betalte ut ytingane på nytt fredag, men at det kan ta litt tid før det kjem fram til brukarane.

– Vi har mellom anna hatt kontakt med Finans Norge, ID-porten og politiet. Vi har jobba for å finne løysingar slik at brukarane fekk pengane sine så raskt som mogleg før jul.

Trygd og pensjon for om lag 1,3 millionar kroner har hamna på kriminelle bankkontoar, trur Nav. No etterforskar politiet identitetstjuveri, og éin person i 20-åra er sikta i saka.