Svindlarar utnytta hol hos Telenor: 200.000 svindelanrop slapp gjennom

Svindlarar utnytta hol hos Telenor: 200.000 svindelanrop slapp gjennom

Både Telenor og politiet fortel at dei merkar ein auke i tal svindelsaker. Den siste veka er det mottatt fleire meldingar hos politiet. – Sist veke hadde vi eit beløp på 130.000 kroner, seier politiadvokat.

Det kan sjå ut som om at det er politiet som ringer, men er det eigentleg det?

Publisert 03.08.2022, kl. 05.44

Det var i løpet av måndagen det skjedde.

Over 200 000 kundar av Telenor blei utsett for vondsinna oppringingar.

Dei kom tilsynelatande frå Mosambik med retningsnummer +258.

Thorbjørn Busch, sikkerheitsrådgivar i Telenor, skriv i ein e-post til NRK at svindlarane har utnytta eit hol i Telenor sine forsvarssystem.

Thorbjørn Busch er ekspert på sikkerheit hos Telenor.

– Årsaka til at oppringingane passerte var at landskoden til no ikkje har vore misbrukt til oppringingar med svindel, og derfor ikkje er svartelista i Telenor sitt sperresystem.

– Vi har i løpet av dagen tetta holet, skriv Busch i e-posten.

Angrepsmetoden som blei brukt av svindlarane kallast for «Wangiri». Metoden går ut på at dei kriminelle ringer éin gong og håpar mottakaren ringer tilbake.

Når dei så gjer det, prøvar svindlarane å halde praten i gang lengst mogleg. På måndag registrerte Telenor at heile 1097 nordmenn ringde tilbake og at enkelte samtalar varte i to timar.

LES MER: