Anne Jo betalar dyrt for straumen medan sambygdingar nesten får den gratis

Anne Jo betalar dyrt for straumen medan sambygdingar nesten får den gratis

Anne Jo Bjordal bur på «feil» side av ein sju km lang tunnel i heimkommunen. Det gir enorme utslag i straumrekninga. – Forferdeleg urettferdig, seier firebarnsmora.

URETTFERDIG: Hadde Anne Jo Bjordal budd i den andre enden av heimkommunen, hadde ho sloppe unna med ei langt rimelegare straumrekning.- Ikkje rettferdig, meiner firebarnsmora.

Vi rapporterer frå Høyanger

Publisert 28.07.2022, kl. 21.12
Oppdatert 28.07.2022, kl. 21.41

Torsdag er straumprisane rekordhøge- og fredag er dei venta å stige endå meir.

Men kor mykje du må punge ut, er det kraftregionen du bur i som avgjer.

I Norge er nettet delt i fem prisområder:

Berre i Vestland, som står av tre ulike straumområde, varierer prisane no frå 596 øre kilowatt i Sunnhordland, til 277 frå Sognefjorden til Bjørnafjorden, medan resten av fylket slepp unna med 3 øre kilowatt.

I Høyanger kommune i Sogn, går grensa mellom to slike kraftregionar midt i den knapt åtte kilometer lange Høyangertunnelen.

– Det er jo skikkeleg ulogisk og veldig urettferdig, seier firebarnsmora Anne Jo Bjordal, som er blant dei uheldige.

Familien i Lånefjorden betaler i desse dagar 2 kroner og 9 øre kilowattimen. Men nord for Sognefjorden, som høyrer til region Midt-Noreg, er prisen 2 øre kilowattimen.

– For meg er straum straum. Vi bur i same kommunen, så det er ikkje rettferdig, seier Bjordal.

Dei prøver å spare der dei kan, men det er ikkje berre lett i ein storfamilie.

– Slik som dette kan det ikkje halde fram. Vi skal jo leve også, seier ho.

Bedrifta Nesseplast i Balestrand held også til på «feil» sida av Høyanger kommune.

– Det er heilt hakkande gale. Skikkeleg surt, seier Erling Nesse, dagleg leiar i bedrifta, som også har avdeling i Bømlo.

Straumrekninga er opp mot 500.000 kvar månad, noko som er ei seksdobling mot tidlegare.

STORE REKNINGAR: Erling Nesse i Nesseplast i Balestrand håper det går mot betre tider, for bedrifta har ikkje moglegheit til å spare på straumkostnadane.

– Vi er på feil side av tunnelen. Det er ein pris på den eine sida, og ein annan på den andre sida.

– Kva tenkjer du om at straumen kostar tre øre kilowattime i andre delar av kommunen?

– Det er veldig rart å tenkje på. Konkurrentane lengre nord har ein heilt annan kostnadsstruktur enn oss. Det er veldig dumt og betyr noko på lengre sikt.

Bedrifta, som lagar emballasje, har vurdert å flytte delar av produksjonen til ein region med lågare straumprisar.

Hadde kraftmarknaden vore optimal, hadde det frå vore fri flyt frå produsent til forbrukar i heile Norden med felles pris.

Men slik er det ikkje, forklarar Olav Osvoll i Eviny, ein del av BKK- konsernet.

Årsaka er store forskjellar i det fysiske kraftnettet.

– Det gjer at etterspurnaden og tilbodet i kvart området avgjer prisen. Det gir ekstreme forskjellar, seier han.

– Kva kan kraftprodusentar gjere for å utjamne dette?

– Vi produserer det vi kan og held att på vatnet for å spare det til vinteren, seier han, og legg til at forskjellane er ein systemfeil som må rettast opp i.

Løysinga er å bygge fleire kraftlinjer for å få opp transportkapasitet mellom dei ulike prisområda i Noreg, meiner han.

LES MER: